La cifra – 1'059'646

1'059'646 sems èn mess en salv en il tresor da semenzas en il nord da la Norvegia. Il Svalbard Global Seed Vault sa chatta sin l'insla Spitzbergen e rimna dapi 10 onns las semenzas impurtantas dal mund.

L'entrada da l'arca Noa dallas semenzas sin l'insla Spitzbergen en la Norvegia
Legenda da maletgs: L'entrada da l'arca Noa da las semenzas sin l'insla Spitzbergen en la Norvegia. KEYSTONE

Dapi ils 26 da favrer 2008 rimna il Svalbard Global Seed Vault las semenzas da plantas nutritivas da l'entir mund per conservar lur varietad genetica. En il bunker sutteran èn deponids ils pli divers sems da ris, furment, tirc, fava, panitscha, tartuffels u maila. Las semenzas èn magasinadas tar ina temperatura da -18 grads. Il Svalbard Global Seed Vault vegn era numnà l'arca Noa da las plantas.

Autur/a: Marionna Lombriser