Il cumpliment

Cumpliments èn bels pleds cun grond effect. Adina puspè entaup'ins glieud ch'avessan merità tals pleds: la vendidra dal Volg che serva adina cun in surrir, l'amia che gida en il perchasa, il vischin che dat da magliar al giat u simplamain insatgi che merita daditg in cumpliment che fa bain al cor.

Fluras cun scrittar far in cumpliment ad insatgi?
Legenda da maletgs: Geabain, quai è nov: Il cumpliment RTR

Quest'emna survegn Tresa Maissen da Trun in cumpliment. Quai numnadamain da sia sora Vrena Vincenz da Panaduz. Ella engrazia per tut il bun che Tresa ha fatg per ella, cura che ses um era malsaun. Perquai trametta Vrena Vincenz in grond engraziament a sia sora sur las undas dal Radio Rumantsch.

Faschai era part!

Er sch'els consistan mo d'in pèr pleds, vegnan cumpliments savens a la curta. RTR rimna e surdat quests cumpliments e gida uschia da dar enavos insatge a la glieud ch'ans embellescha mintga di la vita.

Audituras ed auditurs pon annunziar ad RTR lur cumpliment. Mintga gievgia decida la moderaziun tgenin che vegn resguardà. La moderatura registrescha lura in curt discurs cun la persuna che fa il cumpliment ed il venderdi telefonescha ella a la persuna che survegn il cumpliment.