Digitip – Unir e formatar PDFs

Per quels che han il problem ch'il document da PDF na permetta naginas midadas datti ina schliaziun: In servetsch online permetta d'editar in PDF.

Tut quellas funcziuns porscha il survetsch SmallPDF.com
Legenda da maletgs: Tut quellas funcziuns porscha il survetsch SmallPDF.com smallpdf.com

Il servetsch ch'ha 16 differentas funcziuns per editar in PDF, in format ch'ins na po mo uschia betg midar, sa numna smallpdf.com. Il servetsch pussibilitescha tranter auter da far ord plirs PDFs in sulet document, da convertir in PDF en in Word ni en in JPG u perfin da far notizias en in PDF. Per tgi che na dovra betg dapli che duas acziuns lura è il servetsch gratuit – sch'ins vul editar PDFs senza limita ston ins pajar sis dollars il mais.

In program sco alternativa tar il servetsch online

In'alternativa gratuita è il program PDF24 Creator. Las funcziuns èn dentant limitadas: Ins po bain unir plirs PDFs, convertir in PDF en in auter format na va dentant betg e la funcziun da far notizias scroda er.

In avantatg dal program è che las atgnas datas bandunan betg l'agen computer. Sch'ins fa diever dal servetsch online èn quellas sin il server en la rait. Il servetsch svizzer smallpdf.com segirescha dentant da stizzar tut ils documents da lur server entaifer in'ura.

Autur/a: Nora Baltermia