Digitip – Telefonin gida d'enconuscher il chant d'utschels

I dat blers utschels e lur chant accumpogna nus en la vita quotidiana. Blers da nus n'enconuschan dentant betg lur chant e per quests datti ussa l'applicaziun Zwitsch-o-mat.

Il puppencotschen è surstà - l'app enconuscha detg bain tgi che ha chantà
Legenda da maletgs: Il puppencotschen è surstà - l'app enconuscha detg bain tgi che ha chantà SRF, montascha da foto

L'applicaziun empermetta d'enconuscher automaticamain il chant dals utschels. In empermischun ch'ella na po dentant betg tegnair dal tuttafatg. Tuttina fa ella surstar quant bain ch'ella po analisar il chant. Per la registraziun ston ins dentant esser datiers da l'utschè, esser fitg ruassaivel ed avair la fortuna che betg autras ramurs (auters utschels, aviun, traffic, etc.) disturban la registraziun.

Zwitsch-o-mat datti be per l'Iphone (custa 3.-fr.). Per Android datti l'applicaziun Vogelstimmen ID (custa 5.- fr.).

Autur/a: Hugo Schär