Digitip: Regal da Nadal – ina drona

Han voss uffants giavischs per Nadal sco per exempel in auto da telecumond, in ipod, smartphone ni forsa ina drona? Dapi intgins onns èn dronas in dals hits sco regal da Nadal. E betg sulet l'uffant ha plaschair vid il termagl nov, mabain era ils geniturs.

Ina drona per far fotos e films.
Legenda da maletgs: Ina drona per far fotos e films. Keystone

La variaziun da dronas è gronda uschia èn grondezza, fermezza u era la finala tar il pretsch. Ma ils maletgs cun dronas ord la vista da l'utschè èn spectacularas. Ed era da termagliera cun la drona fa spass.

Per blers sviluppaders da dronas èn quellas il med public dal futur. Uschia ha in'interpresa en China gia sviluppà ina drona che po transportar ina persuna sur ina distanza da 30 kilometers. Ma era transports da rauba pon vegnir fatgs cun dronas, uschia ha la Posta testà dronas per il transport da pacs en regiuns periferas.

Autur/a: Gionduri Maissen