Digitip – Plattafurma sociala «MyPetShare»

Ina plattafurma sociala betg per l'uman, mabain per l'animal da chasa. La plattafurma è vegnida creada en Svizra ed i dat era ella sco applicaziun.

La pagina d'internet da MyPetShare.
Legenda da maletgs: La pagina d'internet da MyPetShare. MyPetShare

L'intenziun primara da la plattafurma è da chargiar si maletgs da l'animal da chasa e tut ils utilisaders pon alura guardar quels ed era far il «liken» els sch'il maletg plascha. Sumegliant ad autras plattafurmas socialas sco Facebook ni era Instagram.

Era la part service duai daventar impurtanta


La part dal service duai esser ina impurtanta part da la plattafurma sociala. Quella duai per exempel porscher infurmaziuns, nua che per exempel in veterinari u in'autra purschida per l'animal sa chatta. Surtut duai quai nizzegiar a persunas che visitan in lieu ch'els n'enconuschan betg uschè bain e per persunas en vacanzas u sin viadi cun l'animal da chasa.

Autur/a: Gionduri Maissen