Digitip – Pertge explodeschan smartphones?

Ils telefonins han sco notebooks era, accus da litium. Quei èn accus fitg pitschens che pon però arcunar fitg bler energia.

Legenda da maletgs: Keystone

Vegn quel donnegià perquai ch'el survegn memia chaud u croda giun plaun vegn l'entira energia libra e quai fetg spert. La consequenza è lura che l'accu vegn fetg chauds e po tut tenor er explodir.

La probabilitad che l'agen smartphone explodescha è però pitschna. Tar il concern da Samsung èn entant econuschents 35 cas. Ma il problem ch'il telefonin vegn tuttenina fitg chaud enconuscha segir mintgin. Tge pon ins far per evitar quai:

  • betg laschar il telefonin en il sulegl u en l'auto (sch'igl è fitg chaud)
  • adina duvrar l'accu orignial dal telefonin
  • betg chargiar il telefonin en ina stanza nua ch'igl è fitg chaud

E sch'il telefonin vegn tuttina ina giada chaud? Sch'ins è vi da chargiar el, prender davent quel da la bescla da contact, tschentar giu el e spetgar enfin che quel è puspè sfradentà.

Autur/a: RTR/cs