Digitip – meditar cun il telefonin

Chattar il ruaus e sa recrear dal stress da mintgadi. Quai è era pussaivel cun ina app sin il telefonin. Cunzunt per cumenzar cun meditar è ina tala applicaziun nizzaivla.

meditar cun il telefonin
Legenda da maletgs: I dat differentas applicaziuns per meditar cun il telefonin. Pixabay

I dat fitg bleras applicaziuns per meditar ma savens èn quellas sulet en englais. I dat però era variantas tudestgas.

La meglra app che nus avain chattà è «7 Mind – Meditation & Achtsamkeit». Sco il num tradescha, dura mintga meditaziun set minutas ed ils emprims 10 exercizis èn gratuits. Per la versiun cumpletta èsi da pajar mintg'onn 60 francs.

Era persvas ha l'app «Du hast Pause – Meditation». Quella è concepida d'ina dunna da Turitg ed ils programs duran mintgamai 10 minutas, in curs cumplain dura 10 giadas. Cun smatgar sin pausa pon ins trenar ils exercizis e cuntinuar cura ch'ins è uschè lunsch. In avantatg da quella app: Ins po era duvrar ella offline, pia senza colligaiziun d'internet. In avantatg tranter auter perquai ch'ins na vegn lura betg disturbà da telefons, mails, pushs u autras novitads.

Autur/a: Gionduri Maissen / Gion Gieri Flepp