Digitip – La «Post App»

Be cun paucs clics èsi pussaivel da duvrar las singulas funcziuns da l'app da la Posta Svizra. La Post App è gratuita e disponibla en quatter linguas: tudestg, talian, franzos ed englais. Ina versiun rumantscha n'exista però anc betg.

app da la Posta.
Legenda da maletgs: app da la Posta. RTR, Urs Müller

Cun l'app da la Posta Svizra èsi pussaivel da far diever da diversas purschidas cun il telefonin. Las suandantas funcziuns stattan a disposiziun:

  • Chattar il proxim uffizi postal e ses temp d'avertura.
  • Calcular ils custs da spediziun per la Svizra e l'exteriur.
  • Empustar ina marca postala per SMS.
  • Invit da retratga ed ulteriuras opziuns da retschaiver ina brev u in pachet cun scannar il code sin l'invit.
  • Suandar il status d'ina spediziun cun scannar il code QR u dar en il numer da la spediziun.
  • Servetsch da clients.

L'app vegn actualisada e meglierada regularmain.

Autur/a: Urs Müller