Digitip – Dronas na dastgan betg vegnir sajettadas giu

Adina pli savens èsi d'udir il schuschurim da dronas insanua en l'aria. Anc sche la drona mulesta ina giada na dastg'ins dentant betg sajettar giu quella. Qua anc ulteriuras reglas per quels che sa sentan disturbads tras dronas e per quels che laschan sgular dronas.

Savens èn dronas equipadas cun cameras.
Legenda da maletgs: Savens èn dronas equipadas cun cameras. Keystone

Qua la survista da las reglas, las pli impurtantas per pilots da dronas che l'Uffizi federal d'aviatica civila prescriva:

  • ina lubientscha n'è betg necessaria per dronas enfin 30 kilograms
  • il pilot sto adina avair en egl la drona
  • dronas ston tegnair ina distanza da 5 kilometers tar plazzas aviaticas
  • dronas na dastgan betg s'avischinar pli datiers che 100 meters a fullas da glieud (dus tozzels persunas)
  • tgi che sgola cun ina drona pli greva che 500 grams, sto surprender la responsabladad per donns eventuals enfin in milliun francs
  • sche persunas vegnan filmadas dovri ina lubientscha da quellas, uschiglio èsi da respectar la protecziun da la persunalitad

E questas reglas valan per persunas che sa sentan disturbadas tras dronas:

  • dronas na dastgan betg vegnir sajettadas giu u donnegiadas sin x ina moda
  • sch'ins sa senta disturbà tras ina drona, èsi da tschertgar il discurs cun il pilot
  • sch'il pilot n'ha betg chapientscha pon ins telefonar a la polizia

Autur/a: Selina Chistell