Digitip – Codes per il telefonin

Cun simpels codes pon ins tegnair sut controlla il telefonin.

Um che dovra il telefonin.
Legenda da maletgs: Sin las tastas dal telefonin dat in en il code giavischà e lura smatg’ins sin la tasta da clom. Keystone

Noss telefonin porscha ina massa applicaziuns – mintgatant da memia. Ins po spert perder la survista. Ina pussaivlada per far tut pli simpel è da duvrar il telefonin cun codes curts, numnà GSM (Global System for Mobile Communication) u era USSD (Unstructured Supplementary Service Data).

Quests codes curts èn adina ina fixa successiun da cifras e segns e funcziuneschan per regla sin tut ils appartas medem: saja quai in handy u in simpel smartphone. Sin las tastas dal telefonin dat'ins en il code giavischà e silsuenter smatg'ins sin la tasta da clom. La tasta cun il receptur dal telefon verd.

La gronda part da quels servetschs èn gratuits. Per evitar custs èsi dentant avantagius da controllar sin la pagina d'internet nua ch'ins ha l'abunament sche quai è in servetsch gratutit u sch'ins sto pajar per questa applicaziun insatge. 

Autur/a: RTR, Corina Luck