Digitip – Apps per crear ina «Bucket list»

Emprender arab, plantar in arber, ir a chamel, currer in maraton, vesair las glischs polaras u forsa emprender da sautar tango. Quai èn tut chaussas che pudessan star sin ina glista da siemis u d'ideas, ch'ins less exnum anc avair realisà avant che murir.

Bucket List
Legenda da maletgs: Bucket List Colourbox

Ils Americans numnan quai la Bucket list che vegn da l'expressiun Kick da bucket e vul dir tant sco, dar giu il tschadun. Per tgi che vul adina avair la glista cun el en satg, datti differentas apps.

  • Bucket: Ina app fitg simpla. Pussaivladad da crear ina glista cun fotos tiers.
  • iWish: Ina app cun differentas opziuns: crear glista cun fotos, pussaivladad da terminar il siemi, carta geografica cun la survista e propostas per ideas.

Autur/a: Corina Schmed