Digitip – Apps da chatscha

Er la chatscha n'ha betg fatg halt avant il mund digital. Nus preschentain trais applicaziuns che porschan agid digital als chatschaders.

Charta dal Grischun cun telefonin.
Legenda da maletgs: JagGR - per il chatschders grischuns la suletta app ch'è nizzaivla. RTR

L'app «JagdGR» è in agid digital per ils chatschaders grischuns. Ella porscha sper infurmaziuns pertutgant contingents, statistica e temp da sajettar era ina glista da numers da telefons impurtants, perscripziuns e cartas. L'app custa 10 francs ed è fatga da chatschadurs grischuns per chatschadurs grischuns.

Lura datti anc bleras apps da chatscha sco per exempel l'app «Rotwild ansprechen», ina app che vegn ord la Germania e custa enturn 4 francs. I po dentant era dar la situaziun durant chatscha ch'ins ha per schabetg blessà in animal e sto ir a tschertgar el. Qua datti medemain ina app che sa numna «Pirschzeichen».

Il Telesguard dals 01-09-2014 ha preschentà l'app «JagdGR» ed ils dus chatschaders Silvan Brunner da Vuorz e Simon Casanova da Schluein han testà ella.

Autur/a: RTR/cl