Digitip – Apps da ballistica

Il caliber da las buis da chatscha grischuna n'è nagin caliber normal. Per il caliber 10,3x60mm na datti betg ina gronda elecziun da bunas apps. Tuttina anfl'ins duas bunas applicaziuns per il chatschadur grischun.

L'app da RWS inditgescha la patrona ideala.
Legenda da maletgs: L'app da RWS inditgescha la patrona ideala. mad

L'emprima app è quella da RWS. Cun questa app pon ins chattar la ideala patrona. Per il caliber che nus duvrain datti sulet ina patrona che l'app recumonda. Mo per lezza, la «GR spezial», datti bleras indicaziuns ed era ina tabella cun las indicaziuns ballisticas.

L'app da Zeiss inditgescha ils clics

L'autra app che ha persvas è quella da Zeiss. Cunzunt da recumandar è questa app sch'ins ha propi era l'optica da la buis, il uschenumnà ZF da Zeiss. L'ura èsi propi pussaivel d'inditgar il caliber e la spertadad da muniziun ed en ina tabella pon ins alura vesair quants clics ch'ins sto far per pudair eliminar ora la differenza da ballistica sin ina distanza da per exempel 200 meters.


En quest senn en bucca d'luf.

Autur/a: Gionduri Maissen