Digitip – App «Zecke» per sa proteger encunter raischens

Sche las temperaturas van ad aut van er adina dapli persunas ora el liber. E là sper flums e lais u en ils guauds èn era ils raischens activs. Lapplicaziun cun il num «Zecke» duai gidar tut quels ch'èn magari ora el liber da sa proteger dals raischens.

L’applicaziun «Zecke» mussa tranter auter tge regiuns ch’èn privlusas da raischens.
Legenda da maletgs: L’applicaziun «Zecke» mussa tranter auter tge regiuns ch’èn privlusas da raischens. Keystone

L'app ch'exista gia dapi dus onns è gratuita e dat cussegls en connex cun ils raischens. D'ina vart inditgescha ella tge regiuns ch'èn periclitadas e co ins po sa proteger dals insects. Da l'autra vart dat ella era tips co reagir suenter ina morsa. E quai betg mo en furma da descripziuns mabain era en furma da videos.

En cas ch'ina zecca ha mors datti la pussaivladad da registrar tut las datas en connex cun quella morsa. Ins sa inditgar en tge regiun ch'ins ha survegnì la zecca sco era nua vid il corp ch'ella ha mors. Las datas vegnan tramessas vinavant anonimamain e gidan da perscrutar la derasaziun dils animalets. Pli blers che dovran l'applicaziun e pli blers che van magari ora el liber che san profitar da las infurmaziuns.

L'applicaziun han la scol'auta per scienzas applitgadas da Turitg e lUffizi federal da sanadad publica sviluppà.

Autur/a: Selina Chistell