Siglir tar il cuntegn
Inhalt

Suvlaki, Gyros e Capretta Culinarica e tradiziuns dal Mexico cun Alejandro Arias Linares.

«Tips, trics e tacs» - il december cun «chili, mole y guajalote» da la cuschina mexicana. Viva Mexico!

Alejandro Arias Linares ha en maun in microfon dad RTR. El surri e la camera. Davostiers in chalender cun ina chasa rosa. A
Legenda: Alejandro Arias Linares preschenta la cuschina ed insaquantas tradiziuns dal Mexico. RTR, Gaby Degonda

«Senza chili – nagina cuschina mexicana! Quai di Alejandro Arias Linares. El ènaschì avant 44 onns a Mexico City. Ses studis ha el fatg a Mexico City ed a La Paz / Baja California. L’amur è la causa che Alejandro AriAs Linares ha prendì dimora en Surselva. L’onn 1999 ha Carmelia Giger visità La Paz a Baja California ed emprì d’enconuscher Alejandro Arias Linares. L’onn 2002 ha el maridà Carmelia Giger. La stad 2003 è lur figlia Salome naschida.
Alejandro ha adina gì in bun maun en cuschina. Sper sia lavur sco manischunz d’auto da posta, puprogna el gugent sias damas cun spezialitads dal Mexico. Il mais da december ans avischina el nus a la cuschina mexicana. Da spezarias sco chili, da la sosa tipica «el mole», ma era da tradiziuns dal temp da Nadal sco «la posada» e «la piñata» ans raquinta el en las davosas emnas da l'onn.