Quatter albums cun il predicat «aur»

Il Soundcheck gizza adina las ureglias per scuvrir musica d'auta qualitad en la sparta indie. E perquai ch'i dat gist tants albums novs ch'èn cumparids la fin d'avrigl, n'ha il Soundcheck betg pudì sa decider be per in album da l'ema.

Quatter albums
Legenda da maletgs: Quatter albums MAD

Uschia datti quest'emna quatter albums, che nus as preschentain:

La chantautura canadaisa Feist avra per exempel ses cor dal tuttafatg e mussa tut sia fraschladad sin ses nov album «Pleasure».

Cun «Humanz» han ils Gorillaz edì in album, che porscha sper sound innovativ er inqual surpraisa.

La band Vök da l'Islanda lascha siemiar da las cuntradas magicas da lur patria cun lur bellezza musica sin lur album da debut «Figure».

Ed il nov star svizzer da la musica da New Wave Crimer noda sin in'unda da success cun sia emprima EP «Preach».

Autur/a: Olivia Spinatsch, Redacziun: Danilo Bavier