Il salvament da Kasabian

La band da rock englaisa Kasabian stat sin las grondas tribunas dal mund. Tranter auter sco headliner davant 60'000 persunas al Glastonbury ed als pli blers auters gronds festivals.

Kasabian
Legenda da maletgs: Kasabian MAD

Confurm a quai ha la band er fatg intginas grondas partys. Il um a la testa da Kasabian, Tom Meighan, è ultra da quai enconuschent per dir a dretg ora sia opiniun – il pli savens betg la meglra opiniun dad auters musicists. Pertge ch'il nov album da Kasabian «For crying out loud» è ussa dentant sco in salvament per Tom e sia band e sco che quai tuna sin quel album, quai udis vus en il Soundcheck.

Ultra da quai ha il Soundcheck era pront blera musica nova, gist cumparida: da la chantautura Fazerdaze da la Nova Zelanda, da la band islandaisa Low Roar e dals rockers americans Afghan Whigs. Ed – il Soundcheck regala bigliets per il concert dals Gorillaz a Turitg!

Autur/a: Olivia Spinatsch, Moderaziun: Olivia Spinatsch, Redacziun: Danilo Bavier