Black River Delta – 10’000 kilometers enfin Louisiana

Erik, Erik e Pontus èn Black River Delta. Ina band cun in sound tschuf e bluesig sco la riva belmusa dal Mississippi River a Louisianna. Però, quests trais tips derivan d'insanua tut auter.

Black River Delta deriva dal caf Bollnäs amez la Svezia. Blues da la sort grassira ed isada, d'in trio da duas ghitarras ed ina battaria. In coctail da maisters vegls sco R.L. Burnside e Creedence Clearwater Revival cun in dagut modern à la Gary Clark Junior e Black Rebel Motorcycle Club – 101% blues dal meglier!
Mardi ils 24 d'avrigl suna quest trio en il Purple Club dal Blue Wonder a Cuira. Quest Soundcheck dat gia ina giada ina sagiada sin quest concert.

Autur/a: Patrick Capaul, Moderaziun: Patrick Capaul, Redacziun: Patrick Capaul