Luregn Mathias Cavelty sin ils 80

Luregn Mathias Cavelty en il parlament a Berna.
Legenda da maletgs: Luregn Mathias Cavelty en il parlament a Berna. mad

Durant 23 onns ha il cristiandemocrat Luregn Mathias Cavelty represchentà il Grischun a Berna. Il giurist oriund da Schluein ha battì per ina Svizra averta vers l'Europa ed il mund. Sco tipic represchentant da la democrazia cristiana è el s'engaschà per il consens ed il cumpromiss.

Oriundamain da chasa tar la partida cristiansociala ha Cavelty era adina gì in'ureglia averta per chaussas socialas. Tranter auter ha el presidià il Padrinadi per las vischnancas muntagnardas ed è stà president da l'anteriura CRR, la Cuminanza rumantscha da radio e televisiun, oz SRG-R.

In vegl ami da Luregn Mathias Cavelty, l'anteriur cusseglier guvernativ Aluis Maissen, raquinta insaquantas interessantas episodas da l'anteriur politicher da Schluein. Ed avant 10 onns aveva Luregn Mathias Cavelty dà sez pled è fatg sur da sia vita politica e privata.
Redacziun: Flavio Huonder

Autur/a: RTR/td