Profil cun Ursina Fetz Caviezel

Ella sappia leger la glieud cun ses mauns, quai di la terapeuta da medischina tradiziunala chinaisa. Dentant èn era las ervas e las guglias d'acupunctura impurtantas per sia lavur. Las guglias muventian il «chi», l'energia dal corp. Ursina Fetz Caviezel ha dapi 5 onns in'atgna pratica d'acupunctura a Panaduz. En ses temp liber sa mova ella gugent, u durant sautar salsa u tar l'uniun da gimnastica a Panaduz. E sch'ella dovra ina giada energia, saja quai per sa revegnir da las nozzas ni dal bajegiar chasa, lura va ella en la natira. Gugent passenta ella era temp sin il mises da ses bab, ni ch'ella va a sfunsar en las vacanzas.
Redacziun: Angela Hendry