Profil cun Simon Camartin

«Midar na midass jau nagut»

Simon Camartin vid ses clavazin.
Legenda da maletgs: Simon Camartin vid ses clavazin. RTR, A. Alexandre

Simon Camartin ha studegià biologia e lavurà plirs decennis sco magister al gimnasi a Mustér. Cun bun 50 onns ha el dentant decidì da sa deditgar cumplainamain a quella passiun ch'accumpogna el dapi sia uffanza: la musica. Dapi lura dirigia el orchesters sin l'entir mund, ils ultims mais p.ex. a Cuba, en l'Ucraina ed en China.

Quai che stat spezialmain a cor a l'epicureer sursilvan è la promoziun da giuvens cumponists. Quest giavisch ha manà a sia chasa editura «Sordino» che publitgescha ovras da musica classica contemporana.
Redacziun: Astrid Alexandre

Autur/a: RTR/dh