Profil cun Gieri Orlik

«In communist na sun jau betg e vegn mai a daventar in»

Purtret da Gieri Orlik.
Legenda da maletgs: Gieri Orlik. RTR, L. LIVERS

Gieri Orlik (82) è scappà or da la Tschecoslovachia l'onn 1953. El aveva 20 onns ed avess stuì far 2 onns militar e quai n'ha el betg vulì. Sin la fugia è Gieri Orlik ì a pe davent da l'Austria, nua ch'el era internà, fin a Berna. Ses viadi a pe ha manà el l'emprima giada tras la Surselva. Pli tard è gist quella Surselva daventada sia nova patria. Quai è dentant stà ina casualitad che ha cumenzà a Montreux en Svizra franzosa. Gieri Orlik raquinta da sias aventuras en l'emissiun Profil dal Radio Rumantsch.
Redacziun: Linus Livers

Autur/a: RTR/cl