Profil cun Fernanda Capeder

«Ia ma saint betg scu tgi vess 100 onns».

Purtret da Fernanda Capeder.
Legenda da maletgs: Fernanda Capeder. RTR, P.Bigliel

Servir ad auters, esser qua per auters ed esser ina buna ospitanta quai èn qualitads che Fernanda Capeder ha mussà durant tut sia vita. A Lucerna ha ella fatg l'emprendissadi en sala d'in hotel, a Ziteil è ella stada durant siat stads la calustra da l'ospizi da pelegrinadi ed a Salouf ha ella manà durant passa 30 onns il Volg. Durant si'entira vita ha ella adina gì da far cun blera glieud. La cumpagnia ed il contact cun autras persunas sajan perquai essenzials per sia vita, accentuescha la giubilara ch'è pir dapi in onn en chasa d'attempads a Savognin. E sch'ins regorda ella da ses grond anniversari ch'ella po festivar ils 17 d'avrigl, di la mamma da 6 uffants, tatta da 13 biadis e basatta da 24 sutbiadis : «Ia ma saint betg scu tgi vess 100 onns».
Redacziun: Prisca Bigliel

Autur/a: RTR/df