Profil cun Andrea Fanzun

Suenter la cumpra è avant l'avegnir dal chastè da Tarasp.

Purtret dad Andrea Fanzun
Legenda da maletgs: Andrea Fanzun MAD

5 onns ha Andrea Fanzun sco president da la Fundaziun Pro Chastè da Tarasp tschertgà in cumprader per il chastè da Tarasp. 5 onns cun blers discurs, blera lavur da concept e bleras dischillusiuns. Enfin il prim da schaner 2014, cura che Fanzun ha emprendì ad enconuscher l'artist da renum mundial Not Vital, oriund da Sent. El haja en quel mument strusch savì tgi che Not Vital era, raquinta el en il Profil. Avant paucs dis ha l'artist suttascrit il contract da vendita ed Andrea Fanzun è «mo» pli il vicepresident da la Fundaziun Pro Chastè da Tarasp. Co che las rollas èn repartidas, tge relaziun ch'el ha cun il chastè e tgenins ch'eran ils muments decisivs, raquinta Andrea Fanzun en il Profil dal Radio Rumantsch.

Redacziun: Riccarda Müller

Autur/a: rtr/mü