Olivia Mosca Portmann – «Nagin a pensà che la Swissair po far naufragi»

Olivia Mosca Portmann (36) ha sentì direct las consequenzas dad in dals pli gronds crashs da l'economia svizra: il grounding da la Swissair.

Olivia Mosca Portmann
Legenda da maletgs: Olivia Mosca Portmann. RTR, Adrian Camartin

«La Swissair era ina instituziun e quels che lavuravan là avevan in tschert prestige. Nagin avess pensà che tuttenina, d'in di sin l'auter, fiss tut a fin.» Oz, 16 onns pli tard, è ella maridada, mamma da dus uffants e lavura tar ina gasetta emnila en l'Emmental. En il Profil raquinta ella da quels temps turbulents e co ella ha adina puspè chattà il curaschi da cuntinuar sia via.

Redacziun: Adrian Camartin