Mia vita – mia musica: cun Silvio Hunger

«Süls texts da schlagher nu's po propi tadler.»

Silvio Hunger chanta en in microfon.
Legenda da maletgs: En sia stanza da musica a chasa a Champfèr exercitescha Silvio Hunger per ses concertins da schlagher. RTR, Riccarda Müller

E tuttina chanta Silvio Hunger da Champfèr chanzuns da schlagher e dat era pitschens concerts. Uschia è el durant la stad sin turnea tras las festas dal vitg da las vischnancas da l'Engiadin'Ota.

Cumenzà ha questa «carriera» cun ina dumonda da la televisiun svizra al chor La Cumbricula. L'emissiun è dentant vegnida emessa live durant l'avust ed il chor consistiva surtut da magisters ch'èn stads en vacanzas. Uschia ha l'um da 61 onns surpiglià questa incumbensa sulet ed ha chantà «Que sera, sera» da Doris Day.

En l'emissiun «Mia vita – mia musica» raquinta Silvio Hunger dal cumenzament difficil en Engiadina sco mat, dals bels temps sin ed a l'ur da la bobera a San Murezzan e dal chant.

Autur/a: Riccarda Müller