Per Massimo Gurini è gia baud stà cler ch’el vul passentar sia vita faschond musica. Perquai ha el investì ses emprims raps en tecnica ed apparats per maschadar ils tuns e tacts ed ha drizzà en sia stanza sco disco.
En congual cun sia lavur d'avant 10 onns, s’han las lezias redubladas. 70% da ses temp investescha el perquai entant en sia passiun, e tar quella tutga er tut la promoziun. Be uschia haja el ina schanza d’avair success, di l’um da 27 onns.
Pli baud bastava dad esser simplamain DJ, oz vegn anc tiers tut la lavur en las medias socialas, senza quellas n’han ins nagina schanza.
La finamira principala dal Schlarignot è oravant tut da fascinar la glieud cun sia musica, sche pussaivel perfin cun quella cumponida sez. Dentant n'emprova Massimo Gurini er da betg be passentar ses temp en ses studio di e notg, mabain er da sa mover adina puspè en la natira.
RTR Profil 09:00