Maria Sedlácek-Luppi – Pioniera en la politica da dunnas

Dapi il cumenzament dals onns 80 è Maria Sedlácek da Sent stada activa en la politica communala e regiunala.

Maria Sedlácek-Luppi.
Legenda da maletgs: Maria Sedlácek-Luppi da Sent. Lia Rumantscha

Ella è stada l'emprima dunna en il cussegl communal da la vischnanca da Sent. Radund 20 onns pli tard è Maria Sedlácek vegnida elegida sco mastrala dal circul Suot Tasna, er en quest uffizi è ella vegnida elegida sco emprima dunna en Engiadina. Sper quai è Maria Sedlácek er stada activa tar l'Uniun dals Grischs e la Lia Rumantscha.

Dapi l'onn 1972 è la dunna da 67 onns maridada cun ses um Josef oriund da la Tschechia. Els han trais uffants, ina matta e dus mats. Sper la politica èn oz las grondas passiuns da Maria Sedlácek ils tschintg biadis, far viadis e far iert.

Autur/a: Reto Mayer