Manuela Gobetti-Lutz: Cun fil, scharm e bler lavur!

Ella è cusunza ed il chau creativ dals vestgìds da gala da l'elecziun da la «Miss Svizra 2018».

Manuela Gobetti-Lutz en ses atelier
Legenda da maletgs: La cusunza sper in dals indesch vestgids per l'elecziun da la Miss Svizra 2018. RTR, Prisca Bigliel

«Senza il sustegn da mia famiglia na vegniss jau betg da far quest spagat». Ils davos diesch onns ha Manuela Gobetti-Lutz (39) bajegià si a Weggis ses agen atelier da moda e gì il medem temp sias trais buobas.

Quest spagat tranter famiglia e fatschenta è insatge che la dunna, oriunda da Rabius, enconuscha era da si'uffanza. Ses geniturs han manà blers onns l'ospizi sin il Pass dal Lucmagn ed uschia hai gì num: lavurar e sa gidar gia da pitschna ensi.

Laschar ir video «Manuela Gobetti-Lutz creescha ils vestgis per las finalistas da «Miss Svizra»»

Manuela Gobetti-Lutz creescha ils vestgis per las finalistas d...

3:17 min, Telesguard dals 27.2.2018

Laschar ir video «Profil cun Manuela Gobetti-Lutz»

Profil cun Manuela Gobetti-Lutz

1:19 min, dals 20.2.2018

Autur/a: Prisca Bigliel