Hercli Bundi – «Ina societad dovra cultura»

Il mund dal film, quai è il mund da Hercli Bundi (53). El è reschissur, producent e bler auter tar sia firma Mirafilm a Turitg.

Hercli Bundi
Legenda da maletgs: Hercli Bundi RTR, Adrian Camartin

Il mument è el gist vi da filmar per ses nov film e pendulescha tranter Basilea nua ch'el viva, Turitg nua ch'el lavura e Vienna nua che l'artist ch'el purtretescha ha ses atelier.
Hercli Bundi è persvas ch'il film è oz il meglier instrument per communitgar cun la societad. El è persvas ch'ina societad dovra ina cultura.
Senza litteratura, musica e film na saja ina societad betg pli abla da reflectar e da sa sviluppar vinavant.
En il Profil raquinta Hercli Bundi da la sfida da betg mo raquintar ina istorgia en ses films, mabain dad ir pli profund, da scuvrir novas vistas e vardads.

Autur/a: Adrian Camartin