Clau Derungs - il notar cun avaina sociala

S'engaschar e gidar persunas che dovran agid sa tira sco in fil cotschen tras sia vita.

Clau Derungs tar el a chasa davant souvenirs da l'Africa
Legenda da maletgs: L'Africa è daventada ina part da sia vita. RTR, P.Bigliel

Oriundamain vuleva il Lumnezian daventar missiunari, ses laschar encrescher per la patria ha dentant fatg in stritg tras quest quint. Enstagl dad ir en l'Africa è il vegl da 10 uffants ì da Tersnaus a Lucerna, è daventà notar ed ha fundà ina famiglia.

Il basegn da gidar e da s'engaschar per persunas a l'ur da la societad è restà, uschia ha l'um da 69 onns adina lavurà dasper sia lavur era per projects socials. Che sia figlia ha fundà in project d'agid per uffants en l'Africa è forsa dapli che mo casualitad.

Laschar ir video «Profil Clau Derungs»

Profil Clau Derungs

0:53 min, dals 12.4.2017

Autur/a: Prisca Bigliel