Arthur Cavegn – per betg arder ora sun jau ì en l'America

Arthur Cavegn ha surdà cun 52 onns sia firma a ses uffants ed è ì a star per 13 onns en l'America.

Arthur Cavegn – traffitgauner cun ina avaina sociala
Legenda da maletgs: Arthur Cavegn – traffitgauner cun ina avaina sociala RTR, Linus Livers

Sco giuvenot è el stà in tip giagliard che fascheva cursas da motocross. El era dentant era in um da fatschenta cun ina atgna stagnaria. Arthur Cavegn ha inventà e laschà patentar plirs tocs da sturs per montar sin tetgs. Quels tocs produciva el era sez per la vendita. Cun mo 52 onns ha el surdà sia fatschenta a ses uffants ed è ì a star en l'America cun sia dunna Yvonne.

13 onns pli tard èn els turnads ed ussa viva Arthur Cavegn a Glion. Quai ir e turnar saja stà per el fitg impurtant. Uss è el puspè en la vischinanza da ses 7 uffants. Arthur Cavegn, in traffitgauner cun ina avaina sociala ed ina giagliarda, raquinta en il profil da sia vita.

Autur/a: Linus Livers