Pled sin via dals 30-03-2018 cun l’avat Vigeli Monn

Jesus è mort per nus vi da la crusch. Ord charezza e per noss salit ha el dà sia vita. Quai è il tema central dal Venderdi Sontg.

Durant sia vita ha Jesus dentant gia instruì ses giuvnals ed il pievel: «Sch’insatgi vul esser mes giuvnal, sto el snegar sasez, prender mintgadi sia crusch e suandar mai.». Venderdi Sontg na regorda nus betg mo vi da la crusch da Jesus e sia mort, mabain era vi da nossa atgna crusch e noss suandar Jesus. «Purtar mia crusch» na vul betg dir da tschertgar il patir e la mort. Purtar sia crusch vul dir daventar activ per ils dretgs dal carstgauns, crititgar la malgiustia, sa gidar cunter ingiustia e povradad, sustegnair e consolar en cas da malsogna, da mort e cordoli e mai desperar vi da la misericordia e buntad divina.

RTR/td