Pled sin via dals 25.03.2016 cun Cornelia Camichel Bromeis

Venderdi sontg, il di da la mort da Jesus

Stuair prender cumià d’in conuman ch’ins ha gì gugent è adina grev. La mort è il cumenzament da las regurdientschas damai ch’ina vita communabla n’è betg pli pussaivla. Quai fa vegnir trist, causa ch’ins partess uschè gugent anc patratgs, eveniments – damai la vita.

Il pled tudestg dal venderdi sontg «Karfreitag», è parent cun il pled englais «care» che signifitga «tgira, provediment». Jesus ha gì gugent a ses proxims sco a sasez. Quai è er bun per nus. Sa regurdar vi da tut quai fa or dal venderdi sontg in venderdi saun. Avair quitads da sasez e dad auters ans cura. Ans maina dentant amez la vita e gida a superar la mort. Jesus di: «Jau sun la levada e la vita. Quel che crai en mai, vegn a viver, cumbain ch’el mora.»

RTR/td