Pled sin via dals 03-06-2017 cun Cornelia Camichel Bromeis

Tschuncaisma, la festa dal Sontg Spiert

En in essai da la schurnalista Kübra Gümüşay hai jau legì, ch’ins vul savens savair dad ella, pertge ch’ella porta in faziel da chau. Ed i dettia glieud che na vul betg mo savair, mabain er chapir il pertge. Però na saja quai betg pussaivel da declerar. Uschia sco ch’i na saja era betg pussaivel da declerar la cretta ad in ateist.

Cun leger il text da Kübra Gümüşay hai jau dentant gì in sentiment da Tschuncaisma. Ella è stada buna da stgaffir l’encletga, pertge ch’ella porta in faziel da chau sco muslima, dentant senza dar explicitamain mo ina resposta concreta. Ella ha chattà pleds per quai ch’ins numna «misteri da la cretta».

RTR/td