Il sguard sin l’emna

Il Palaver da quest'emna fa in viadi da la China fin en ils stadis che produceschan cacau. Gian Ramming e Bernard Bearth discuteschan sur da l'avegnir da la tschigulatta e sur da la pli gronda fusiun en il sectur da chemia e sur da la transparenza en il Grischun.

Logo da Syngenta.
Legenda da maletgs: La fatschenta svizra ch'è vegnì vendida a la China. KEYSTONE

Syn-gen-ta: quai che tunava gia adina chinais è ussa definitivamain en mauns chinais: la China cumpra il concern da chemia svizzer e paja milliardas. Tgi ch'ha gugent tschigulatta sto temair: en intgins onns pudess cacau daventar char. Sch'ins sto ir en l'ospital e vegn malsauns pir là: pliras clinicas pondereschan d'introducir in obligatori da vaccinar per lur persunal. Ed il Cussegl Grond debattescha proximamain sur da la transparenza da las decisiuns politicas en il Grischun. Quai èn ils temas principals che Gian Ramming e Bernard Bearth discuteschan quest'emna en il Palaver.

Autur/a: RTR/dh