Juvels ord il stgazi da chanzuns rumantschas (1. part)

Tge chanzun rumantscha è la pli bella per Vus? Probablamain vegni endament a Vus gist pliras chanzuns. Nus avain dumandà collegas da lavur tar RTR, che chantan era en chors, tge juvels che els tadlassan gugent en «Noss chors». Cun las respostas savess ins far pliras emissiuns! Nus avain fatg ina tscherna e preschentain ina retscha da juvels ord l'immens stgazi da chanzuns rumantschas. Interessant è che la pli gronda part da las chanzuns han da far tranter auter cun «amur», «encreschadetgna», «saira» e «stailas».
Redacziun: Rosvita Barenius