Gion Antoni Derungs 1935 - 2012

El è stà dirigent, cumponist, organist ed anc bler dapli. Ils 4 da settember avant tschintg onns è el mort. Oz sa regordan «Noss Chors» d'in grond da la musica rumantscha.

Gion Antoni Derungs
Legenda da maletgs: Gion Antoni Derungs MAD

Gion Antoni Derungs è naschì ils sis da settember 1935 a Vella en la Lumnezia. En ses studi al Conservatori a Turitg ès el vegnì promovì d'in auter grond da la musica rumantscha: ses aug, il cumponist Duri Sialm. Enfin l'onn 2012 ha Gion Antoni Derungs cumponì var 400 ovras. Sper sinfonias, ovras vocalas e concerts instrumentals era l'emprima opera rumantscha che porta il titel «Il Cerchel magic». Perquai udin nus en l'emissiun dad oz cumposiziuns sco per exempel «Spel lag», «La pasch da la saira» ni era «Notg da serenezi».

Autur/a: Gion Dominic Pohle, Redacziun: Gion Dominic Pohle