«Las poesias da Gion Deplazes» - tgisà quantas giadas che cumponists rumantschs han mess en musica quellas bellezza ovras? Gnanc Gion Deplazes saveva la resposta. El haja «sterniu poesias per tut las vias» e sappia sez betg, quantas che sajan daventadas chanzuns.
Igl onn 2003 aveva Gion Deplazes raquintà a nus, co el scrivia insumma poesias e tge emoziuns che las chanzuns cun ses pleds e patratgs sveglian en el. Ma il pli impressiunant èsi cur che Gion Deplazes legia sez las poesias da las pli enconuschentas chanzuns sco per exempel: «Ei vegn in temps», «Desideri» ni «Sut steilas».
Redacziun: Rosvita Barenius
