Minisguard dals 31.03.2018

Ils uffants en ils Stadis Unids encunter las armas

In mais e mez suenter che in giuven da 19 onns ha mazzà 17 persunas en ina scola a Florida dattan ils uffants en il Stadis Unids tut. Els vulan cumbatter per leschas d’armas bler pli strictas. Perquai èn quest’emna marschads radund 800’000 persunas, oravant tut giuvens e giuvnas, a Washington. Els vulan finalmain vegnir udids. Dentant, la lobi d’armas NRA cumbatta fitg ferm encunter quest moviment da giuvenils.

Sajettar – be segir!

Il possess dad armas – in grond tema che chaschuna era malsegirtads. Mo buis na vegnan betg mo duvradas per far nauschas chaussas sco blessar e mazzar conumans. Sajettar cun buis po era esser in hobi. En il Minisguard vegnis a savair tge ch’è necessari per in segir diever dad ina buis, per che nagins accidents capitian.

Oceana Galmarini / Daniela Derungs / Elin Batistia