Minisguard dals 28-05-2016

L’istorgia dal Gottard

Proxim’emna vegn il pli lung tunnel da viafier dal mund inaugurà. Il tunnel da transit è 57 kilometers lung e va tras las Alps dad Erstfeld fin a Bodio. Quai munta ch'el maina dal nord en il sid. Quai n’è dentant betg l’emprim tunnel e l’emprima via tras il Gottard. Il Minisguard dat in sguard e guarda co ch’ins ha traversà ils davos 200 onns las Alps sur u tras il Gottard.

Noss erox da l’emna – Pablo Schmed da Trun

Mintgin da nus po gidar. Uschia era Pablo Schmed da Trun. Per gidar als uffants a Nepal ha el fatg cartas e vendì bavrondas sper la via da velos. Sia acziun ha plaschì a l’Unicef Svizra uschè bain ch’el è in dals trais nominads per il premi Sternenwoche-Award che vegn surdà sonda ils 28 da matg a Turitg. Al Minisguard declera Pablo pertge ch’el faschess anc ina giada quest'acziun e tge raschun ch’el ha gì.

RTR/dh