Minisguard dals 26-09-2015

Senza la gravitaziun nagina vita? Tge munta quai?

Sa sentir sco in astronaut. Quel siemi han blers. E quest’emna èsi per l’emprima giada stà pussaivel da sentir quai davent da la Svizra. Quai cun agid d’in aviun spezial ch`è partì davent da la Svizra. Entras in sgol spezial po quel cugliunar la gravitaziun. Ma tge è quai la gravitaziun e pertge duvrain nus quella per viver?

Emprender ina professiun
Co chattar la dretga professiun, co insumma savair tge professiuns ch’i dat? Ils uffants da la regiun Viamala han survegnì agid dals impressaris. Quels preschentan las professiuns ch’ins sa emprender tar els. Nus avain accumpagnà dus uffants da la segunda classa superiura. Chattan els lur mastergn? Dapli en il Minisguard.