Minisguard dals 16.12.2017

Enfin il Mars ed anc pli lunsch.

Quest'emna ha il president dals Stadis Unids da l'America suttascrit in decret per dar l'incumbensa a la NASA da preparar il proxim viadi sin la glina e pli tard sin il Mars. Il Minisguard declera tge che la NASA è e pertge ch'i dat ella.

Avair l'atgna fatschenta

Il bab ha in lavuratori da far boards ord lain. Saja quai boards per far il surfing u era per ir sin pista. Il figl Dea e ses collega Elia han uss era lur atgna fatschenta. Els fan numnadamain portaclavs en furma dad aissas da surf.