Minisguard dals 16-04-2016

Ina poesia bitta grondas undas

Il president da la Tirchia Erdoğan ha gì pauc plaschair da la poesia ch'il satiricher tudestg Böhmermann ha scrit sur dad el. Igl è era stà ina poesia cun cuntegn nausch e critic vers il president. La Tirchia ed era Erdoğan han purtà plant vers il satiricher ed ussa datti grondas discussiuns tge che satira dastga e nua ch’ils cunfins èn.

Manader da servetsch – in mastergn cun gronda responsabladad
Tar la collisiun da dus trens a Bad Aibling en la Germania avant dus mais èn passa 10 persunas mortas. Il manader dal servetsch da transport haja giugà in gieu sin ses telefonin fin curt avant la collisiun dals dus trens regiunals. I saja da supponer che l'um era distract ed haja uschia dà ils fauss signals als dus locomotivists. Manader da servetsch da transport, in mastergn che pretenda cumplaina concentraziun. Il Minisguard mussa tge responsabladad che quai mastergn pretenda e co la Viafier retica controllescha sias lingias.

RTR/dh/sc