Minisguard dals 10.06.2017

Mieurs al Churer Joch

Dapi radund 10 onns van scienziads da la Universitad da Turitg a perscrutar las mieurs dal Churer Joch. Els enconuschan las mieurs fitg bain – tuttas han in chip. Uss han els chattà ora che las mieurs vegnan adina pli pitschnas. Nus giain cun ils scienziads a far ina visita a las mieurs e declerain pertge che l’evoluziun è sa sviluppada uschia.

Tge è evoluziun?

Il perscrutader da la natira Charles Darwin ha cun sia teoria da l’evoluziun fatg ina gronda lavur per la chapientscha da noss mund. Tge è però insumma l’evoluziun? Il Minisguard declera.