Minisguard dals 10-01-2015

Terrorists islamistics han assaglì la redacziun d’in magazin da caricaturas a Paris ed han mazzà 12 persunas. Tut en il num da Allah

Il magazin creava e publitgava dapi onns adina puspè caricaturas criticas envers l’islam. Sper la nunchapientscha per l’act crudel e brutal sa tschenta la dumonda da la libertad da pressa. Na l’ultim pervia d’acts terroristics sco quel da Paris datti a Dresden dapi l’october passà in moviment cun il num PEGIDA – in’organisaziun che cumbatta «l’islamisaziun da l’occident».

Cura dastga e cura sto ina instituziun sco il KESB prender davent ils uffants ad ina mamma u ad in bab?
Il KESB, l’uffizi per la protecziun d’uffants e creschids è vegnì en discussiun ils ultims dis pervia dal mazzament da dus uffants tras lur mamma. Co funcziunescha il KESB, co san ils uffants profitar dal KESB? Ina visita a Giusep Defuns dal KESB Surselva.