Minisguard dals 04-04-2015

Giaglina u ov – tgi era emprim?

Igl è Pasca ed ins po cumprar ovs en tuttas colurs. Ma cun ils ovs vegnan era las dumondas: Sch’igl ov era emprim – danunder vegn el lura? E sche la giaglina era avant igl ov – danunder vegn lura la giaglina? Era sche anc nagin ha chattà la resposta: Nus vain tramess Mirco tar pulschains, giaglinas ed ovs cun la missiun: chattar la resposta!

Tge è vita?
Il temp da Pasca è er il temp da primavaira, tut flurescha, utschels che tschivlan – tut viva. Pasca è er il temp ch’ils cristians festiveschan la vita da Jesus. Ma tge munta quai – viver? E tge viva tut?