Siglir tar il cuntegn
Inhalt

Helveticus Helveticus - L’istorgia Svizra per pitschens e gronds

Co è Arnold von Winkelried daventà in erox svizzer? Pertge è il chaschiel svizzer uschè popular? Tgi ha muventà Guglielm Tell da trair la famusa frizza?

Tranter legenda ed istorgia raquinta quest program d’animaziun las aventuras da Helveticus e sia famiglia ad uffants tranter trais e sis onns: il passà da la Svizra, sias pli enconuschentas persunalitads ed ils mitus da sia fundaziun. Ils maletgs d’animaziun che maschaidan la realitad cun raquints ans mainan da maniera legra ed innovativa a las aventuras fascinantas da noss perdavants eroics.

Mintga istorgia è sco in raquint e concepida uschia ch'in uffant da quatter onns la chapescha. Las istorgias sveglian tuttina era l'interess da mamma e bab e da tatta e tat. Quels han la pussaivladad da scuntrar da maniera ludica e divertenta l'istorgia svizra.

La seria è vegnida scritta e realisada da Chantal Teano e Pascal Vaucher de la Croix. Ils films èn producids da Nadasdy Film a Genevra (Nicolas Burlet e Zoltan Horvat) e coproducids da RTS (Izabela Rieben) e da la SSR cun il sustegn da RTR, SRF, RSI, TV5 Monde, Cinéforom ed il Fond da la producziun televisiva.

Episoda 1: Ils palissaders

Episoda 2: La traversada dal Gottard

Episoda 3: L'engirament dal Rütli

Episoda 4: Guglielm Tell

Episoda 5: Arnold da Winkelried

Episoda 6: Il chaschiel svizzer

Episoda 7: Clau da Flia

Episoda 8: La battaglia da la crappa grossa

Episoda 9: La schuppa da Kappel

Episoda 10: Johannes Calvin e l'industria e cliniez

Episoda 11: La tiba

Episoda 12: L'escalade da Genevra

Episoda 13: Napoleon e la republica helvetica

Episoda 14: Barry, il chaun da lavinas

Episoda 15: Henri Dunant e la Crusch Cotschna

Episoda 16: Il turissem ed il sport d'enviern

Episoda 17: La tschigulatta da latg e la pulvra da latg

Episoda 18: Johanna Spyri e Heidi

Episoda 19: Il cuntè svizzer

Episoda 20: La buglia da Bircher

Episoda 21: Albert Einstein

Episoda 22: Friedrich Dürrenmatt

Episoda 23: Alberto Giacometti

Episoda 24: Il dretg da votar da las dunnas

Episoda 25: Jean Tinguely

Episoda 26: Bertrand Piccard ed il tur dal mund cun in ballun