Siglir tar il cuntegn

Header

Video
Minisguard sin visita Segl
Or da Minisguard dals 04.10.2019.
abspielen
cuntegn

Minisguard sin visita Cura che scolaras e scolars fan televisiun e social media

Per la segunda giada èn uffants ils schefs dal Minisguard. Da glindesdi fin gievgia produceschan ils scolars da Segl, ensemen cun il team dal Minisguard l’emissiun dals 5 d'october 2019

Davent da definir ils temas sur la producziun da las contribuziuns enfin tar registrar las moderaziuns vegn l’entira emissiun dal proxim Minisguard producida dal tuttafatg a Segl en scola ensemen cun las scolaras ed ils scolars. Per la redacziun munta quai far las valischs cun cameras e plazzas da tagl.

Video
Ils scolars da Segl tiran bilantscha
Or da RTR Social dals 04.10.2019.
abspielen

Gievgia – il grond finale

Questa saira a las 17:30 vegnan las moderaziuns per il Minisguard registradas. Quai grond mument è il medem mument era ina festa per ils da Segl. Ma enfin lura èsi anc da finir intginas chaussas ed il team tecnic sto emprender d’enconuscher las grondas cameras.

Mesemna – il di creativ

Video
Minisguard a Segl: Il di creativ
Or da Minisguard dals 02.10.2019.
abspielen

Mintga di vegnan pli e pli bleras contribuziuns finidas. Bainprest è tut pront per l’emissiun. Exact il dretg mument a Segl per cumenzar a scriver moderaziuns. Co quai capita è era da vesair sin Instagram, il link avra en ina nova fanestra.

Mardi – oz è vegnì producì

Video
Minisguard a Segl – il segund di
Or da Minisguard dals 01.10.2019.
abspielen

Durant il segund di è gia l’emprima contribuziun vegnida a fin. Las scolaras ed ils scolars han silsuenter lavurà vinavant per che tut las istorgias sajan prontas per la registraziun da l’emissiun la gievgia saira a Segl.

Mo noss redacturs giuvens n'han betg be lavurà per la televisiun. Els han fotografà e filmà tut a dubel per Instagram e Facebook da RTR. Tge che noss teams han fatg l'entir di pon ins vesair sin Instagram, il link avra en ina nova fanestra ubain en la galaria da fotos.

Glindesdi – da bell’entschatta vai per tut

Video
Minisguard a Segl - Las impressiuns da l'emprim di
Or da Minisguard dals 30.09.2019.
abspielen

Sin palpiri èn tut las contribuziuns gia preparadas. Per ils scolars da Segl vali dentant oz d’emprender d’enconuscher tut la tecnica per savair realisar lur ideas. Vinavant surpiglian els noss account da instagram e mussan tge che capita davos las culissas a Segl.

MSG 17:40